Eoliko flotagarriko egituraren osotasunari buruzko ikerketa, Adimen Artifizialean oinarritutako ereduen bitartez

Eusko Jaurlaritzaren Ekonomiaren Garapen, Jasangarritasun eta Ingurumen Saila (HAZITEK2023 Programa) eta Eskualde Garapenerako Europar Funtsak diruz lagundutako proiektua (EGEF).

Proiektua

INTEGRIA proiektuak Adimen Artifiziala (AI) oinarri duten hainbat eredu digitalek osatutako eredu integral bakarra sortuko du, egituraren elementuak (trantsizioko pieza, TPa), ainguratze-sistema, ebakuazio eta elikatze elektrikorako elementuak, sarbide-sistemak edo aerosorgailu flotagarria kontrolatzeko sistema hidrauliko eta mekanikoak barne hartuz.

Testuingurua

Parke eoliko flotagarri komertzialen garapenak banakako prototipoetan agertzen ez diren erronkak planteatu ditu. Teknologiak epe mugatu batean behar bezala funtzionatzetik bizialdi erabilgarri osoko operazioa bermatzera igaro behar da. Ildo horretan, jauzi teknologiko handia dago lehen prototipoa gaindimentsionatzetik, honen bideragarritasun teknikoa frogatzeko, protipoaren diseinua optimizatzeraino, bideragarritasun ekonomikoa ere egiaztatzeko.

Egun, offshore Operazio eta Mantentze-lanetarako (O&M) eredu eta tresna ugari daude, batez ere maila akademikoan. Horiek guztiek soluzio zehatzak eskaintzen dituzte arazo zehatzetarako. Baina eredu horiek, espezifikotasunaz gain, beste gabezia batzuk dituzte sektorearen beharrizanei dagokienez:

Ez dute egiazko informaziorik ematen hutsegite-tasei buruz.
Ez daude behar bezala bideratuta merkatuaren beharretara.
Hurbilketa integralak falta zaizkie, eredu bakar batean datuak aztertu eta erabakiak hartu ahal izateko.

Helburuak eta Jarduerak

INTEGRIAren helburua hutsegiteak, nekea eta degradazioa detektatu eta prebenitzeko ereduak sortzea da. Baita O&Man erabakiak hartzeko algoritmoak eraikitzea ere.

Lehen aipatutako helburuak lortzeko, lau ikerketa-ildo zehaztu dira proiektuan:

Eoliko flotagarrian aplikatzeko moduko monitorizazio-sistema aurreratuak.

Arreta berezia emango diete sistema eta/edo osagai jakin batzuei:

Makinaren eta potentzia-trenaren monitorizazioa.
Ainguratze-lerro dinamikoen monitorizazioa.
Egitura flotagarriaren monitorizazioa.

Datuen kudeaketarako arkitektura, informazio ugari prozesatu ahal izateko

Gainbegiratze eta kontrol sistemari dagokion datu-kopuru handia sortzea.
Urruneko azpiegituren kokapena.
Izaera eta interes desberdinetako informazioa partekatzea: parkeko operadorea, operazio eta mantentze-lanetako langileak, eta azpiestazioko langileak, besteak beste.

Adimen Artifizialean oinarritutako ereduak, hainbat fenomeno fisiko modelizatu ahal izateko.

IoT teknologiak.
Datuak biltegiratzeko ahalmena.
Prozesatzeko ahalmen konputazionalak.
Adimen artifizialeko ereduen eta eredu fisikoen arteko hibridazioa.
Ikaskuntza automatikoko ereduak mundu errealeko fenomeno fisikoak irudikatzen dituzten eredu matematikoekin konbinatzeko aukera.

Korrosiotik babesteko estaldurak, degradazioa karakterizatu ahal izateko.

Estaldura zeramikoak aplikatzeko prozesuak.
Estaldura organikoak eta hibridoak.
Estaldura metaliko ekojasangarriak.

Berrikuntza guztiak gauzatzeko, NAUTILUS azterketa kasutzat erabiliko da, eta HarshLab, BIMEPen instalatua eta TECNALIAk kudeatua, proiektuan egindako ikerketa baliozkotzeko offshore laborategi gisa erabiliko da.